Бүгүн уонна сарсын, кулун тутар 20-21 күннэригэр, Дьокуускайга «Сахамедиа» медиакиинигэр Дьокуускай куорат баһылыгар хандьыдааттар икки ардыларынааҕы дебат иккис эргимтэтэ быһа эпииргэ ыытыллыаҕа.
Бүгүҥҥү дебакка хандьыдааттар Евгений Рябченко, Виталий Обедин, Айал Прокопьев уонна Савва Михайлов, оттон сарсын Иван Комаров, Илья Паймушкин, Микаэл Заболотнай уонна Евгений Григорьев кыттыахтара.
Дебат тиэмэтэ: уһуйааннар, оскуолалар, тырааныспар уонна дьиэ тутуута. Эпиир 19.00 чаастан «Сахамедиа» ютуб-ханаалыгар саҕаланыаҕа.
Дебаттары edersaas.ru, ЯСИА, Yakutia-Daily.ru саайтарга, итиэннэ «Якутия 24» уонна «Саха» НКИХ ханаалларыгар көрүҥ, «Тэтим» араадьыйаҕа истиҥ.
Модератордар — суруналыыстар Анна Фомина уонна Николай Борисов.
Быһа эпиир:
edersaas.ru