Бүгүн үс улахан испэктээги сыаналыахтара (бэстибээл күннүгүттэн)

Бүгүн, өрөбүл күн, «Хаарыан хампа» Х театральнай бэстибээл үс испэктээгэ көрдөрүллүөҕэ.

edersaas.ru

Былатыан Ойуунускай аатынан Саха тыйаатырыгар күнүс 12 чаастан Ньурбатааҕы көһө сылдьар драматическай тыйаатыр “Киһи” испэктээгин көрүөхпүт.

Максим Горькай матыыбынан туруоруллубут испэктээк:

— “Бастыҥ испэктээк”;

— “Режиссер бастыҥ үлэтэ” (Маргарита Васильева);

-“Бастыҥ сценография” (Туйара Львова) номинацияларга түһэрилиннэ.

Күнүс 15 чаастан Олоҥхо тыйаатыра “Саха дьахталларын мэтириэттэрин” туруоруоҕа. Алексей Кулаковскай—Өксөкүлээх Өлөксөй айымньыта:

-“Бастыҥ испэктээк”;

-“Режиссер бастыҥ үлэтэ” (Роман Дорофеев);

-“Дьахтар бастыҥ оруола” (Елена Маркова);

-“Эр киһи иккис былааннаах оруола” (Павел Колесов) номинацияларга киирсиэхтэрэ.

Киэһэ 17.00 чаастан Ньурба көһө сылдьар драматическай тыйаатыра Алексей Иванов-Күндэ “Марбатын” туруоруоҕа.

Испэктээк:

— “Дьахтар бастыҥ оруола” (Сардаана Михайлова);

-“Эр киһи бастыҥ оруола” (Ньургун Михайлов);

-“Дьахтар иккис былааннаах оруола” ( Вера Лазарева);

-“Эр киһи иккис былааннаах оруола” (Прокопий Федоров) түһэриллибиттэрэ элбэҕи этэр.

СӨ култуура уонна духуобунас сайдыытын миниистирин солбуйааччы Владислав Левочкин бэрэссэдээтэллээх дьүүллүүр сүбэ сыанабылын долгуйа күүтэбит. Оттон артыыстарга, ситиһиини уонна мэлдьи буоларын курдук, көрөөччүлэр үрдүк сыанабылларын баҕарабыт.

Надежда ЕГОРОВА, “Саха сирэ”, edersaas.ru