Убаастабыллаах Саха сирин олохтоохторо!
Саха Өрөспүүбүлүкэтин салалтатын уонна бэйэм ааппыттан Арассыыйа Федерациятын Судаарыстыбаннай былааҕын күнүнэн эҕэрдэлиибин! Бу дьоһун суолталаах күн 1994 сыллаахха Арассыыйа Судаарыстыбатын былааҕа сөргүтүллүөҕүттэн олохтоммута.
Үс өҥнөөх былаах аныгы Арассыыйа сүрүн бэлиэтинэн, сайдыы саҥа суолунан буолла.
Биһиги Арассыыйа судаарыстыбаннай былааҕын дириҥник ытыктыыбыт, хас биирдиибитигэр сүдү күүс-көмө, сомоҕолоһуу бэлиэтэ буолар. Саха Өрөспүүбүлүкэтэ түөрт үйэ кэриҥэ Арассыыйаны кытта биир дьылҕаланан олорор уонна сайдар.
Бүгүн Уһук Илин иннигэр иннибит диэки тэтимнээхтик сайдыыга дьоһун суолталаах соруктар тураллар. Бу улахан уларыйыыларга Саха Өрөспүүбүлүкэтин кыттыыта эмиэ оруоллаах.
Дойдубут тэтимнээхтик сайдыы суолун устун эрэллээхтик бара турдун! Күндү Саха сирин дьоно! Бу бырааһынньык күн эһиэхэ этэҥҥэ буолууну, кытаанах доруобуйаны уонна ситиһиилээх үлэни баҕарабын!
СӨ Ил Дархана Айсен Николаев