Дьиэ кэргэн, таптал уонна бэриниилээх буолуу күнүгэр Дьокуускайга перинатальнай кииҥҥэ үөрүүлээх тэрээһин буолла.
Күн сирин саҥа көрбүт аҕыс уол уонна аҕыс кыыс ийэлэрин кытта дьиэлэригэр таҕыстылар. Үөрүүлээх тэрээһиҥҥэ мустубут дьон истиҥ эҕэрдэлэрин тиэртилэр, бары үтүөнү-кэрэни баҕардылар.
Ийэлэргэ ытыс тыаһыгар арыаллатан Саха АССР 100 сылынан СӨ Ил Дархана Айсен Николаев олохтообут сүүстүү тыһыынча солкуобайдаах «Үйэ оҕолоро» хапытаал сэртипикээттэрэ туттарылыннылар.
СӨ Үлэҕэ уонна социальнай сайдыыга миниистирэ Елена Волкова ийэҕэ уонна оҕоҕо ураты болҕомто уурулларын, быйыл Ил Дархан Айсен Николаев Өрөспүүбүлүкэҕэ Ийэ сылын биллэрбитэ улахан өйөбүл, тирэх буоларын, бары тэрээһиннэр дьиэ кэргэн институтун бөҕөргөтүүгэ туһаайыллалларын эттэ.
Ийэлэргэ, маны сэргэ, оҕо иитиитигэр, доруобуйаны көрдөрөргө, социальнай төлөбүрдэргэ, о.д.а. наадалаах боппуруостарга быһаарыыны ыларга QR-кодтаах брошюралары туттардылар. Бырайыак ыччат бырабыыталыстыбатын уонна быраастар уонна да атын исписэлиистэр кыттыылаах оҥоһуллубута.
Саха сирэ оҕо төрөөһүнүн ахсаанынан Уһук Илиҥҥэ бастакы кэккэҕэ, дойдуга алтыс миэстэҕэ сылдьар. 2022 сыл бастакы аҥаарыгар өрөспүүбүлүкэҕэ уопсайа биэс тыһыынчаттан тахса оҕо төрөөбүт.
Санатан эттэххэ, СӨ Ил Дархана «Үйэ оҕолоро» хапытаалы олохтооһун туһунан ыйааҕы 2021 сыл ахсынньы ыйыгар бигэргэппитэ.
+1
+1
+1
+1
+1
+1
+1