Муус устар 9 күнүгэр “Биир ньыгыл Арассыыйа” баартыйа Саха сирин 33 улууһугар олохтоох салайыныы уорганнарыгар барыллаан куоластааһыны ыытар.
Роман ПОПОВ, “Саха сирэ” хаһыат, edersaas.ru
Бүгүн бары счетнай хамыыһыйалар олохтоох бириэмэнэн сарсыарда 8.00-тан киэһэ 20.00 чааска диэри үлэлииллэр.
Санатар буоллахха, нэһилиэк баһылыгын 214 мандаатыгар — 505, оройуон дьокутаатын 111 мандаатыгар — 174, нэһилиэк дьокутаатын 2 926 мандаатыгар 3 538 хандьыдаат кыттар.
Куоластааһыҥҥа быыбардыыр бырааптаах, туһааннаах уокурукка бастайааннай бырапыыскалаах Арассыыйа Федерациятын гражданнара кытталлара көҥүл.
Куоластааһын рейтининэн ыытыллар. Ол эбэтэр, быыбардааччы бүлүтүөҥҥэ киллэриллибит хас да хандьыдаакка куолаһын биэриэн сөп.
Абый улууһугар барыллаан куоластааһыны сэргэ, муниципальнай оройуон баһылыгын болдьоҕун иннинэ быыбара буолар. Онно “Биир ньыгыл Арассыыйа” баартыйа аатыттан Станислав Цюхцинскай кыттар.
Роман ПОПОВ, “Саха сирэ” хаһыат, edersaas.ru