Алтынньы 3 күнүгэр дойду үрдүнэн ОМОН байыастара («Отряд мобильный особого назначения») идэлээх бырааһынньыктарын бэлиэтииллэр.
Былырыыҥҥааҥҥа диэри ис дьыала уорганнарын иһинэн сулууспалаан кэлбит бу подразделение РФ Росгвардиятыгар бэриллибитэ.
Бүгүн ОМОН полицейскайдарын РФ Росгвардиятын Саха сиринээҕи управлениетын начальнига, полиция полковнига Сергей Челищев уонна ОМОН этэрээтин хамандыырынан өр сылларга сулууспалаабыт, билигин астаапкаҕа сылдьар милииссийэ полковнига, управление Бэтэрээннэрин сэбиэтин бэрэссэдээтэлэ Сергей Черных эҕэрдэлээтилэр.
Сыл саҕаланыаҕыттан ОМОН 162 анал эпэрээссийэҕэ кыттыбыт, полиция отделларыгар 719 киһи аҕалыллыбыт, 200-тэн тахса сэп-сэбиргэл былдьаммыт, террористическай дьайыылары сэрэтэр туһуттан 260 эбийиэк бэрэбиэркэлэммит.
Росгвардия управлениетын салалтата этэрээт бэтэрээннэригэр махтал тылларын эттэ. Сулууспа эбээһинэһин толоро сылдьан тыыннара быстыбыт биир идэлээхтэрин кэриэстээн, мүнүүтэ устата сөҥөн турдулар.
Үөрүүлээх тэрээһин бастыҥ көрдөрүүлээх байыастары наҕараадалааһынынан түмүктэннэ.
Бу туһунан РФ Росгвардиятын Саха сиринээҕи управлениетын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: РФ Росгвардиятын Саха сиринээҕи управлениетын пресс-сулууспатын түһэриилэрэ.