Бүгүн, сэтинньи 20 күнүгэр, Оҕо бырааһын аан дойдутааҕы күнэ бэлиэтэнэр. Маннык этиини 1954 с. ХНТ Генеральнай ассамблеята киллэрбитэ.
edersaas.ru
Отуттан тахса сыл оҕо доруобуйатын туһугар
Галина Колодезникова Дьокуускай куорат 3 №-дээх поликлиникатыгар оҕо бырааһынан отуттан тахса сыл үлэлээтэ.
Кини 1974 с. Красноярскайдааҕы медицина институтун педиатрияҕа отделениетын бүтэрэн, Дьокуускай куоракка үлэлии кэлбитэ. 1998-2002 сылларга Ис дьыала министиэристибэтин поликлиникатыгар үлэлии сылдьыбыта. Онтон оҕо поликлиниката туспа аһыллыбытыгар, кырачааннарыгар төннүбүтэ.
Галина КОЛОДЕЗНИКОВА:
– Мин Сайсары оҕолорун кытары үлэлээбитим 36 сыл буолла. Уруккутун курдук, чааһынай дьиэлэр оҕолорун көрөбүн-истэбин. Онон хаһан эрэ эмтээбит оҕолорум билигин бэйэлэрэ оҕолоохтор. Урут сылдьыбыт дьиэлэрбэр билигин кинилэр оҕолоро ыал буолан олорор буолаллар. Өссө сиэннэр бытыгыраһа сылдьалларын көрдөхпүнэ, идэбин сөпкө да талбыт эбиппин диэн манньыйабын, астынабын. Оҕолору уонна кинилэр төрөппүттэрин кытары үлэлиирбин олус сөбүлүүбүн, хаһан да хал буолбаппын Төһө да сааһыра бардарбын, үлэбиттэн уурайдахпына, оҕолоро суох тугу гыныахпын сатаан санаабаппын.
1970-с сыллары кытары тэҥнээтэххэ, элбэх уларыйыы таҕыстаҕа. Холобур, билигин булгуччулаах страховка территориятааҕы пуондатын кытары ыкса сибээстээхтик үлэлиибит. Эмтээһин биир сиргэ турбат, иннин диэки баран иһэр. Ол да иһин, педиатр-быраастарга аналлаах кэмпириэнсийэлэр, сэминээрдэр, үөрэхтэр сыл аайы ыытыллаллар. Көһө сылдьар цикллэр, сертификационнай дьарыктар тиһиктээхтик салҕаналлар. Сүүрбэ сыллааҕыта эмтээбит ньымаларбыт билигин сөп түбэһиэ суохтарын сөп. Ыарыыны эмтээһиҥҥэ саҥа көрүүлэри тутуһабыт. Саҥаттан саҥа эмтэр, технологиялар киирэллэр. Ыарыы ахсаана да, көрүҥэ да элбиир. Урут «сибиинньэ гириибин» туһунан билбэт этибит. Ол оннугар гириип судургу көрүҥэ элбэҕэ, ыарыы өрө турар кэмигэр күҥҥэ 60-70 оҕону киэһээ 10 чааска диэри көрөр кэмнэрбит бааллара. Билигин гириип өрө туруута улаханнык бэлиэтэммэт эрээри, гириип саҥа көрүҥнэрэ олус ыараханнык ааһаллар. Туох да диэбит иһин, гирииби утары быһыыны ылыы киһини ыарыыттан улаханнык көмүскүүр. Төрөппүттэр аккаастаналлара сыыһа, – диэн Галина Николаевна сэһэргиир.
СӨ доруобуйа харыстабылын туйгуна Галина Колодезникова үлэтэ сыаналанан, эмчиттэр ортолоругар сүрүн Граны ылбыта. Галина Николаевна Колодезникова курдук идэлэригэр бэриниилээх дьон баар буолан, кырачаан дьоннорбут олох аартыгар чиҥник үктэнэн эрдэхтэрэ. Сырылас итии күннэргэ эбэтэр кырыа кыһын ортотугар туманы бүрүнэн сатыы тиийэн кэлэр Галина Николаевна эйэҕэс мичээрин билигин да умнубат эбиппин.
(«Сэһэргээ, үрүҥ халааттаах аанньалым» кинигэттэн)
Бүгүҥҥү үтүө күнүнэн бэйэтин эҕэрдэтин терапевт, спортивнай быраас Валентина Иннокентьевна Комиссарова—Күлүмүрэ маннык ыытта:
Посвящается детским врачам и медсёстрам
«Ребёнок родился, чтоб жить,
Весь мир этот сердцем любить,
И, радовать всех, и творить,
А вовсе не ныть, бедовать.
Но всё же, как часто бывает,
Безгрешные дети болеют,
И, корчась от боли, рыдают,
И даже, порой, умирают…
Тогда на пути злому року,
Встают доктора педиатры,
Колдуют волшебные руки,
Разводят смертельные чары.
А сколько же юных страдальцев
Сквозь адовы круги проходят,
Когда от различных недугов
И днём, и ночами страдают.
И снова, как ангелы жизни,
С болезнью сражаются храбро
Медсёстры, как добрые феи,
Врачи, без крутых гонораров.
В стенах этой детской больницы,
Где каждый день новые битвы,
Свершаются скромно победы
И правятся детские судьбы.
А медики, воины света,
Себя не щадя, продолжают,
Борьбу ежедневно со смертью,
И часто до срока сгорают…
За труд, за сердечное рвенье
От жизней спасённых поклон!
Любовь и людей уваженье —
От разных невзгод вам в заслон!»
Надежда ЕГОРОВА, “Саха сирэ” хаһыат edersaas.ru
(“Сэһэргээ, үрүҥ халааттаах аанньалым” кинигэттэн)