2004 сыл ахсынньы 29 күнүнээҕи 201 №-дээх федеральнай сокуонугар олоҕуран, сэтинньи 4 күнүгэр Арассыыйаҕа Норуот сомоҕолоһуутун күнэ бэлиэтэнэр.
edersaas.ru
Бу күн Дьокуускайга уопсастыбаннас үөрүүлээх миитинэ, араас тэрээһиннэр ыытыллааччылар. Быйыл пандемиянан сибээстээн тэрээһиннэр онлайн ыытыллыахтара.
Бүгүн өрөспүүбүлүкэ киинэ тыйаатырдарыгар кэтэһиилээх-күүтүүлээх «Тыгын Дахан» киинэни көрдөрүөхтэрэ. Маны таһынан «СӨ Национальнай библиотеката» ГКУ бэйэтин саайтыгар: www.nlrs.ru «День народного единства» виртуальнай быыстапканы, онтон «Өрөспүүбүлүкэтээҕи көрбөттөр библиотекалара» ГКУ инстаграм-аккаунугар www.instagram.com/rbs_yakutia «Россия — это мы!» виртуальнай викторинаны ыытыаҕа. Бу күн Бүтүн Арассыыйатааҕы хомус дьыктаана ыытыллара күүтүллэр. Ол курдук дьыктаан бу сырыыга эмиэ онлайн-ньыманан www.ykt.ru саайтка уонна «Аан дойдутааҕы хомус түмэлэ» ГБУ саайтыгар http://rus.ilkhomus.com/ буолуоҕа. Онон ким баҕарар дьиэтиттэн тахсыбакка эрэ кыттар кыахтаах. Сомоҕолоһуу күнүгэр аналлаах онлайн-тест «Симэх» киинин инстаграм-аккаунугар www.instagram.com/simexsakh тахсыаҕа. Маны таһынан #МЫЕДИНЫ» бырааһынньыктааҕы кэнсиэри «Республиканский Домнародного творчества и социально-культурных технологий» АУ инстаграм-аккаунугар www.instagram.com/rdnt_ykt көрүөххэ сөп.
В. Федоров «Путь Святителя» испэктээгэ Нуучча драмтыйаатырын ютуб-канаалыгар көстүөҕэ (https://www.youtube.com/channel/UCL6n8CTa-HHIHkrPkZmJ00A). Мантан да атын интэриэһинэй тэрээһиннэр, кэнсиэртэр ыытыллаллара күүтүллэр.
edersaas.ru