Бүгүн — Национальнай бэчээт күнэ

Ааптар: 
Бөлөххө киир:

Ил Дархан Айсен Николаев Саха Өрөспүүбүлүкэтин салалтатын уонна тус бэйэтин аатыттан бэчээт уонна сонуну киэҥник тарҕатар сириэстибэлэр үлэһиттэрин, бэтэрээннэри Национальнай бэчээт күнүнэн эҕэрдэлээтэ.

Национальнай бэчээт күнэ Саха сиригэр аҕыйах сылтан бэттэх бэлиэтэнэр буолла. От ыйын 1  күнүнгэр 1907 сыллаахха “Саха дойдута” диэн сахалыы бастакы уопсастыбаннай-бэлитиичэскэй уонна литературнай хаһыат күн сирин көрбүтэ. Сахалыы хаһыат тахсарыгар оччотооҕу кэм интеллигенциятын лидерэ Василий Никифоров-Күлүмнүүр уонна кинини кытта биир санаалаахтар Всеволод Ионов, Михаил Сабунаев, Николай Афанасьев, Афанасий Уваровскай, Петр Кушнарев уонна да атыттар өрө көтөҕүллүүлээхтик үлэлээбиттэрэ.

1907 сылтан национальнай бэчээккэ Саха сирин олоҕо-дьаһаҕа,  историческай түгэннэрэ, өрөспүүбүлүкэ ситиһиилэрэ суруллан, бэчээттэнэн кэллэ. Бүгүн биһиги сонуну киэҥник тарҕатар сириэстибэлэрбит судаарыстыбаннай, официальнай тылларынан сонуннары, иһитиннэриилэри киэҥник тарҕаталлар. Сыыппараҕа көһүү тэтимнээхтик баран, сонуну тарҕатыы түргэтээтэ. Ол гынан  баран,  национальнай бэчээт  уратытын, төрөөбүт тыллар ыраас уонна баай ис хоһооннорун  харыстыырга дьулуһуохтаахпыт, — диэн эҕэрдэтигэр эттэ.

edersaas.ru

+1
0
+1
0
+1
0
+1
0
+1
0
+1
0
+1
0