Маны аах Успуорт

Бүгүн Мэҥэ Хаҥаласка Бырабыыталыстыба Бэрэссэдээтэлин бирииһигэр ат сүүрдүүтэ буолар

Бүгүн, балаҕан ыйын 11 күнүгэр,  Мэҥэ Хаҥалас улууһун Хара нэһилиэгин «Куон Харах» диэн ипподромугар 14 чаастан СӨ Бырабыыталыстыбатын  Бэрэссэдээтэлин бирииһигэр ат сүүрдүүтэ буолар. Илин-кэлин түсүһүүгэ түөрт сыллаахтартан уонна үөһэ саастаах саха аттара кытталлар. 

Тэрээһиҥҥэ СӨ Бырабыыталыстыбатын Бэрэссэдээтэлэ Андрей Тарасенко,  Мэҥэ Хаҥалас улууһун баһылыга  Николай Старостин, Ил Түмэн спикерэ  Алексей Еремеев,  СӨ ат успуордун федерациятын бэрэсидьиэнэ,  норуот дьокутаата, меценат Руслан Еремеев, СӨ тыатын хаһаайыстыбатын  миниистирэ  Александр Атласов, Хара нэһилиэгин баһылыга  Дария Назарова эҕэрдэ тылы этиэхтэрэ.

Чиччигинэс иҥиирдээхтэр 1000, 1800, 2400, 3200 уонна 10000 миэтэрэ уһуннарга илин-кэлин түсүһүөхтэрэ. Сүүрүү бирииһин пуондата — 1 мөл. 620 тыһ. солк.

Мэҥэ Хаҥалас ытык сирэ сыспай сиэллээҕи Айыы оҕотун Дьөһөгөй барахсаны уруйдуу-айхаллыы көрүстүн. Бүгүн биһиги аатырбыт, сураҕырбыт улуу улуустар сүүрүк сылгыларын күөн көрсүһүүлэрин, күрэс былдьаһыыларын илэ харахпытынан көрүөхпүт, эт кулгаахпытынан истиэхпит. Күүстээҕи күүстээх сабырыйдын, сымсаны сымса баһыйдын, буор өрөкүйдүн, өрөгөй үрдээтин, саргы-талаан салалыннын!

 

 

 

 

 

 

 

 

0
0
Telegram @edersaas20