Бүгүн Ленскэйгэ смерч түстэ дуо?

Ааптар: 
Бөлөххө киир:

Бүгүн киэһэ Ленскэй куоракка күүстээх ардах түһэн, сөмөлүөт көппөтөҕүн, куорат уулуссалара уунан туолбуттарын уонна сүүнэ улахан смерч түспүтүн туһунан батсаап ситимигэр тарҕанна.

Бу ис дьиҥин билээри Ленскэй куорат баһылыгын пресс-сэкирэтээрэ Наталья Беспалованы кытта сибээстэһэ сырыттым.

— Кырдьык, бүгүн күнү быһа күнүс күүстээх ардах түһэн, куораппыт киин уулуссалара уунан туоллулар.

Оттон смерч түспүт видеота биһиэхэ буолбатах, атын сиргэ буолуо. Ити туһунан тугу да истибэккэ олоробут, — диэн хоруйдаата.

Смерч туһунан тарҕаммыт сонун АХШ Канзас Штатыгар Андоверга буолбут. Бу туһунан видеоны Ленскэйгэ  буолбут курдук тарҕата сылдьаллар.

Онон сымыйа сурахтары, видеолары тарҕатартан туттунар ордук.

Елена ПОТОЦКАЯ, «Саха сирэ» хаһыат. 

Хаартыска — батсаап ситимигэр тарҕаммыт видеоттан скриншот. Видео батсаап ситимиттэн.

https://youtube.com/shorts/Z1HoZZFyUHY?feature=share

+1
0
+1
0
+1
0
+1
0
+1
0
+1
0
+1
0