Бүгүн, тохсунньу 2 күнүгэр, Үлэ Дьоруойа Михаил Николаевич Готовцев 75 сааһын бэлиэтиир. Бу үөрүүлээх күҥҥэ болҕмото ууран, Уус Алдан улууһун баһылыга Алексей Федотов, СӨ Бырабыыталыстыбатын бэрэссэдээтэлин солбуйааччы Михаил Никифоров уонна СӨ Тыатын хаһаайыстыбатын миниистирэ Александр Атласов үбүлүөйдээх дьоруойу видео-сибээс нөҥүө эҕэрдэлээтилэр. Михаил Николаевич Саха сирин устуоруйатыгар сүөһү боруодатын тупсарыыга, племенной үлэни сайыннарыыга үйэтин-сааһын тухары эҥкилэ суох үлэлээбит киһи буолар.
Михаил Николаевич 1946 сыллаахха Уус Алдан улууһун, Байаҕантай нэһилиэгин Ыарҕа сайылыгар төрөөбүтэ. Ийэтэ Аграфена Михайловна Готовцева уруккута Бартыһаан Дьөгүөрэп аатынан холкуос бастыҥ ыанньыксыта этэ. Кини үлэҕэ сыһыанынан, кыайыгаһынан үтүө холобур буолан, Михаил Николаевич сүөһү үлэтигэр сыстаҕас буола улааппыта. Оскуолаҕа үчүгэйдик үөрэнэрэ, хайыһарга, чэпчэки атлетикаҕа улуус бастыҥ спортсмена.
Нэһилиэк, улуус сүбэлэрин хас да төгүллээх дьокутаата, ыччат наставнига.
1972-75 сылларга Ленинградтааҕы тыа хаһаайыстыбатын институтугар ветеринарнай факультетка үөрэммитэ.
1968 сыллартан Михаил Николаевич селекционнай, племенной үлэтэ саҕаламмыта.
1980 сыллааха “Үлэ Албан аат» Үһүс истиэпэннээх уордьанынан наҕараадаламмыта.
1985 сыллаахха “Үлэ Албан аат” Иккис истиэпэннээх уордьанынан наҕараадаламмыта.
1990 сыл “Үлэ Албан аат” Бастакы истиэпэннээх уордьанынан наҕараадаламмыта.
2013 сыл СӨ бочуоттаах олохтооҕо буолбута.
2014 сыллаахха РФ бэрэсидьиэнэ В.В. Путин 257 №-дээх ыйааҕынан Арассыыйа Үлэҕэ Дьоруойун аата иҥэриллибитэ.
edersaas.ru