Уопсастыба

Бүгүн — Харабыллааһын федеральнай сулууспатын күнэ



Бүгүн, атырдьах ыйын 7 күнүгэр, Арассыыйаҕа Харабыллааһын  федеральнай сулууспатын (ФСО) үлэһитин күнүн бэлиэтииллэр.

 edersaas.ru


Сэбиэскэй Сойууска  коммунистическай баартыйа уонна бырабыыталыстыба салайааччыларын харабыллыыр Судаарыстыбаҕа куттал суох буолуутун кэмитиэтин (КГБ) 9 управлениетын оннугар Харабыллааһын федеральнай сулууспата (ФСО) баар буолбута. Оттон  кини структуратыгар киирэр анал сибээс уонна информация сулууспата  2004 сыллаахха урукку  ФАПСИ оннугар тэриллибитэ. 2004 сыллаахха атырдьах ыйын 7 күнүгэр РФ президенэ Владимир Путин ыйааҕа тахсыаҕыттан, бу күн бэлиэтэнэр буолбута.

Харабыллааһын  федеральнай сулууспатын (ФСО) анал сибээһэ (спецсвязь) бэрэсидьиэн, бырабыыталыстыба, дипломатическай сулууспа анал сибээһин хааччыйар. Бу тэрилтэ дойду салайааччыларын  иһитиннэрии (информация) өттүнэн куттала суох буолууларын хааччыйар, техническэй разведкалааһыны утары үлэни ыытар, судаарыстыбаннай кистэлэҥи хааччыйар.

Анал сибээс сулууспата — судаарыстыба биир саамай сабыылаах структурата буоларын быһыытынан, атын идэлээх бырааһынньыктар курдук улахан таһымнаахтык бэлиэтэммэт.

Анастасия АЛЕКСЕЕВА, «Саха Сирэ» хаһыат,  edersaas.ru

0
0

Санааҕын суруй