Бэлиэ дааталар, күн-дьыл сылыктааһына, бит-билгэ. Calend.ru тугу кэпсиир, суруйар эбитий?
Бүгүн — Аан дойдуга почта күнэ
Бу бэлиэ күн туһунан Токиоҕа 1969 с. буолбут Аан дойдутааҕы почтовиктар сойуустарын кэнгириэһигэр биллэриллибит. 1874 с. алтынньы 9 күнүгэр Бьернҥа (Швейцария) 22 дойду бэрэстэбиитэлэ, ол иһигэр Арассыыйа, Почта генеральнай сойууһун тэрийэр туһунан Берн дуогабарыгар илии баттаабыттар. 1878 с. сойуус аата уларытыллан, почта аан дойдутааҕы сойууһа (ВПС) буолбут. Бу сойууска 192 дойду киирэр.
Манна сыһыары тутан эттэххэ, почта мааркалара аан бастаан 1840 с. Англияҕа баар буолбуттар, Арассыыйаҕа — 1857 сыллаахха.
Бу күн төрөөбүт биллэр-көстөр дьон
Христофор Колумб (1451 с.), муоранан устааччы, саҥа сири арыйааччы.
Евгений Евстигнеев (1926 с.) киинэ уонна тыйаатыр артыыһа, ССРС норуодунай артыыһа.
Джон Леннон (1940 с.) мусукаан, ырыаһыт, бэйиэт, композитор, аан дойдуга биллэр “The Beatles” бөлөҕү тэрийсээччи.
Борис Немцов (1959 с.) Арассыыйа бэлиитигэ, судаарыстыбаннай уонна уопсастыбаннай диэйэтэл.
Күн-дьыл битэ-билгэтэ
Соҕуруу дойду олохтоохторо бу күн вишня сэбирдэҕэ саккыраан бүппүт буоллаҕына, кыһын кэлэр диэн билгэлииллэр эбит. Күнүс түспүт хаар — ууллар. Бу күн инчэҕэй хаардаах буоллаҕына, тохсунньуга хаста да сылыйан ылыан сөп. Сылаас, күннээх буоллаҕына бэс ыйа ардахтаах, тымныы буолар диэн билгэлииллэр.
Бу күн дьыала-куолу табылларыгар, санаа күүһүрэригэр, көтөҕүллэригэр көрдөһөллөрө туолар диэн.
Онтон биһиги өбүгэлэрбит алтынньы ыйга айылҕа дьону-сэргэни түмэр күүһэ сиргэ чугаһыыр дииллэр. Бу ыйтан кыһын саҕаланар, добдурҕа буолар.
Бүгүн Александр, Афанасий, Владимир, Дмитрий, Ефрем, Иван, Николай, Тихон диэн ааттаах дьон күнэ.
Calend.ru ылылынна
Хаартыскалар: интэриниэттэн