Сүрүн Уопсастыба

Бүгүн — Физкультурник күнэ

Бүгүн — физкультурник күнэ. Бэҕэһээҥҥиттэн Саха сирин үгүс куораттарыгар, нэһилиэктэригэр  бу күҥҥэ аналлаах тэрээһиннэр  көхтөөхтүк ыытылла тураллар.

Бу күнүнэн сибээстээн, спортсменнары, тириэньэрдэри, физкултуура, успуорт хамсааһыннарын бэтэрээннэрин, физическаэй култуура уонна успуорт эйгэтин үлэһиттэрин бу күнүнэн итиитик-истиҥник эҕэрдэлээтилэр.  Санатар буоллахха, бүтүн Арассыыйатааҕы уонна норуоттар икки ардыларынааҕы түһүлгэҕэ биһиги спортсменнарбыт ситиһиилээхтик кыттан, Саха сирэ Арассыыйа саамай успуордунан үлүһүйэр эрэгийиэннэртэн биирдэстэринэн буоларын көрдөрөллөр уонна оннук да ааттана туруо диэн эрэбит.  Бүгүн өрөспүүбүлүкэҕэ маассабай физическэй култуура көхтөөхтүк сайдан, чөл олоҕу таптааччылары бэйэтин кэккэтигэр тардар.  Успуордунан ханнык баҕарар сааска уонна ханна баҕанан дьарыктаныахха сөп.

Улуустарга буолбут тэрээһинтэн билиһиннэрэр буоллахха, бэҕэһээ Бүлүү улууһугар инбэлииттэр сайыҥҥы  бэстибээллэрэ түмүктэммит. Нэһилиэктэртэн элбэх хамаанда киирэн кыттыбыт. Холобур, Тааһаҕар хамаандата ситиһиилээхтик кыттыбыт. Ол курдук, Евгений Капитонов  дарстка үһүс миэстэ, ытыыга Захар Максимов бастакы миэстэ, Зинаида Петрова коляскалаах сүүрүүгэ үһүс миэстэ уонна Мария Иванова хабылыкка иккис миэстэни ыланнар, сыаналаах бириистэринэн наҕараадаламмыттар. Маассабай успуорду  көҕүлүүр аналлаах күрэхтэһиилэр өрөспүүбүлүкэ үгүс улуустарыгар ыытылла тураллар.

 

0
0
Telegram Whatsapp