Бүгүн эбэҥки норуота күнү уруйдуур бырааһынньыгы — Бакалдыны бэлиэтиир. Бу туһунан Ил Дархан Айсен Николаев «Телеграм-ханаалыгар» иһитиннэрэр:
— Бу бырааһынньык уһун кыһын кэнниттэн айылҕа тыллыытын бэлиэтиир. Эбэҥкилэр бу күнү саас уонна күөххэ үктэнии бырааһынньыгынан ааттыыллар.
Өр кэмнээх кыһын кэнниттэн эбэҥкилэр бу күҥҥэ мустан сонуннарын үллэстэр, ыалдьыттаһар үгэстэрдээхтэр. Бу күҥҥэ диэри аныгы эбэҥилэр бу үгэстэри ытыктыыллар, тутуһаллар. Үс күннээх бырааһынньык кэмигэр күнү көрсүү буолуоҕа. Итиэннэ өрөспүүбүлүкэтээҕи эбэҥки норуотун национальнай куонкурустара ыытыллыахтара, ыччаттар илин-кэлин түсүһүөхтэрэ.
Быйыл Бакалдын Арассыыйаҕа норуоттар култуураларын нэһилиэстибэлэрин сылыгар, Саха АССР 100 сылыгар ананан ыытыллыаҕа. Барыгытыгар быйаҥнаах сайыны, дьолу, доруобуйаны баҕарабын.