Доруобуйа бүтүн аан дойдутааҕы күнүгэр

Бөлөххө киир:

СӨ доруобуйа харыстабылын миниистирэ Лена Афанасьева доруобуйа декадатын чэрчитинэн  ханнык дьаһаллар ыытыллалларын кэпсээтэ.

edersaas.ru

Сыл аайы муус устар 7 күнүгэр Доруобуйа бүтүн аан дойдутааҕы күнэ бэлиэтэнэнэр. Саха Өрөспүүбүлүкэтигэр  чөл олох тиэмэтигэр доруобуйа декадата ананар.  Онуоха СӨ Доруобуйа харыстабылын министиэристибэтэ  бэлэмниир кэккэ дьаһаллара САССР тэриллибитэ  100  сылыгар уонна Ийэ сылыгар ананаллар.

Доруобуйа декадата “Олоххо 10000 хардыы» аахсыйанан саҕаланна.  Өрөспүүбүлүкэ киин куоратыгар “МедЭкспо. Доруобуйа уонна кэрэ буолуу” эрэгийиэннэр икки ардыларынааҕы XI  быыстапка буола турар.

Бу күннэргэ өрөспүүбүлүкэ куораттарыгар  доруобуйа дьаарбаҥкалара ыытыллаллар.  Ыраах сытар нэһилиэнньэлээх пууннарга  өрөспүүбүлүкэ мэдиссиинэҕэ тэрилтэлэрин исписэлиистэрэ кыттыылаах көһө сылдьар биригээдэлэр үлэлииллэр.  Доруобуйа бүтүн аан дойдутааҕы күнүгэр  уонна нэһилиэнньэ доруобуйатын чэбдигирдиигэ, чөл олоҕу сырдатыыга анаммыт аахсыйалар, аһаҕас аан күннэригэр оскуола оҕотуттан саҕалаан кырдьаҕаһыгар тиийэ кыттыахтара.

Ураты болҕомто өрөспүүбүлүкэ дьахталларын уонна оҕолорун доруобуйаларыгар ууруллуоҕа.

Бу үлэлэргэ барытыгар өрөспүүбүлүкэ сүрүн  мэдиссиинэҕэ тэрилтэлэрин, мэдиссиинэ кииннэрин уонна балыыһаларын  исписэлиистэрэ, Доруобуйа харыстабылын министиэристибэтин штаты таһынан кылаабынай исписэлиистэрэ кыттыһаллар. Кинилэр доруобуйа декадатын чэрчитинэн  сонуну киэҥник тарҕатар сириэстибэлэргэ уонна социальнай ситимнэргэ нэһилиэнньэ кыһалҕалаах ыйытыыларыгар хоруйдуохтара.

Надежда ЕГОРОВА, “Саха сирэ” ха7ыат, edersaas.ru

+1
0
+1
0
+1
0
+1
0
+1
0
+1
0
+1
0