Сүрүн Уопсастыба

Бүгүн Дьокуускайга халлаан сылыйар

Бүгүн, олунньу 25 күнүгэр, Дьокуускай куоракка кыратык хаардыаҕа, күнүһүн 12-14 кыраадыс тымныы буолуоҕа, хотугулуу-арҕааттан сөкүүндэҕэ 4-9 м түргэннээхтик тыалырыа диэн Саха сиринээҕи Гидрометкиин иһитиннэрэр.   

Ол эбэтэр, киин куоракка лаппа сылыйар. Мантан инньэ халлаан сылыйбытынан барар. Бэҕэһээ Дьыл оҕуһун иккис муоһа туура барбыта.  Бүгүн 16 ч Гимеиҥҥэ 18, оттон авиапорка 20 кыраадыс тымныы буолуоҕа.

Саха сиринээҕи Гидрометкиин  начаалынньыгын солбуйааччы Татьяна Маршалик:  «Олунньу бастакы дэкээдэтигэр Саха сирин үгүс сиригэр-уотугар халлаан лаппа сылыйан, 12 кыраадыска тиийэ тымныйыаҕа. Олунньу 10-11 күннэригэр оннук-айылаах тымныйыа суоҕа эрээри, түүнүн 40 кыраадыска тиийэ намтыаҕа. Күнүһүн үксүн 32 кыраадыс буолуоҕа»,  — диэн бу ый саҥатыгар иһитиннэрбитэ.

 

 

0
0
Telegram @edersaas20