Бүгүн, от ыйын 29 күнүгэр, Бе-200 амфибия-сөмөлүөт Мииринэй сиригэр-уотугар үлэлиэҕэ, салгыы кинини Ми-26 бөртөлүөт солбуйуоҕа.
Бу туһунан бүгүн СӨ Бырабыыталыстыбатын 1-кы солбуйааччы Дмитрий Садовников иһитиннэрдэ. Бастакы уочарат нэһилиэнньэлээх пууннартан чугас баар ойуур баһаардарын умуруорууга эбии күүс тиийдэ. Ол курдук, Мииринэй оройуонун Арыылааҕар, Үөһээ Бүлүү улууһун Боотулуутугар, Сунтаар улууһун Кириэстээҕэр, Наахаратыгар уонна Орто Халыма Налимскайыгар. Бу нэһилиэктэртэн ойуур баһаардара, ортотунан, 10 км ыраах умайаллар.
Ааспыт сууккаҕа барыта 8 ойуур баһаара умуруоруллубут. Бүгүҥҥү туругунан Саха сирин үрдүнэн 107 ойуур баһаара 16 улуус сиригэр-уотугар күөх дуолу мэҥиэстэр. Умуруорууга 1320 киһи уонна 128 тиэхиньикэ үлэлиир. Халлаан аһара итии буолан, кураанах этиҥнэр түһүөхтэрин сөп, ол иһин ойуур баһаардара туруон сөптөөх кутталлаах кэмнэр тураллар.