Уус Алдантан хоһоонньут Полина-Победа бэлиэ күҥҥэ анаан үс дьоруойдаах Танда бөһүөлэгин туһунан хоһоонун ыытта.
ТАНДА СИРЭ ТУРУГУР!
Танда сирэ тардыылаах
Үтүө эрэ өрүттээх,
Үйэлэргэ кэпсэнэр
Дьоруойдары үүннэрдэ!
Гражданскай сэрииттэн
Хабырылла Дьөгүөрэп
Бастакынан дойдутун
Киллэрбитэ номоххо!
Аҕа дойду сэриитин
Дьоруой уола Лонгинов
Танда дьолун үрдэтэн
Иккис Дьоруой буолбута!
Сэриитэ суох эйэлээх
Үтүө үйэ кэмигэр
Ыанньыксыттаан өссө биир
Дьоруой уола үүммүтэ!
Үрүҥ халаат аанньала
Буолбатаҕын да иһин
Үрүҥ илгэ аанньала
Михаилбыт буолбута!
Пианино оонньуурга
Анамматах тарбахтар
Ынах ыырын сөбүлээн
Дьолун булла үлэттэн!
Туспа талаан, туспа кыах
Үтүө үлэ түмүгэ!
Арассыыйа Дьоруойа
Бастакынан буолбута!
Дьоруой үөскүүр уйата
Танда сирэ туругур!
Үйэлэр да суурайбат
Үтүө аатыҥ дуорайдын!
Полина-Победа, Уус Алдан,
09.12.2021с.
СИА хаартыската.