Айылҕа харыстабыла Маны аах

Бүгүн Амурскай уобаластан эбии Ми-8 бөртөлүөт кэлиэҕэ

ЫБММ салайааччыта Евгений Зиничев бүгүн, атырдьах ыйын 14 күнүгэр, ойуур баһаардарынан сүбэ мунньаҕы тэрийэн ыытта.

Айсен Николаев  ЫБМ миниистиригэр ойуур баһаардарынан улахан  көмө оҥоһулларыгар итиэннэ  Ми-26 курдук бөртөлүөт базаланарыгар махталын биллэрдэ. Бүгүн туһааннаах көтөр аал Дьокуускайга кэлэн, ыарахан ыйааһыннаах тиэхиньикэни таһыыга уонна ойуур баһаардарын умуруорууга үлэлиир. Бөртөлүөт  12 туоннаҕа тиийэ ууну быраҕыан сөп.

Сүбэ мунньах кэмигэр ЫБММ салайааччытыгар суһал сводканы уонна авиация үлэтин дакылааттаатылар. Ми-8 бөртөлүөт бүгүн  Үөһээ Бүлүү,  Чурапчы оройуоннарыгар, Хабаровскайдааҕы авиаэтэрээт Ми-26 суудуната Намҥа үлэлиэхтэрэ. Оттон Бе-200  Үөһээ Бүлүүгэ үлэлиэҕэ. Маны таһынан бүгүн Амурскай уобаластан эбии биир  Ми-8 бөртөлүөт кэлэрэ күүтүллэр.

edersaas.ru

0
0