![](https://edersaas.ru/wp-content/uploads/2016/12/983669881.jpg)
Бүгүн Москва бириэмэтинэн күнүс 12 чааска, биһиэнинэн киэһэ алта чааска, дойду президенэ Владимир Путин парламеҥҥа Анал этиитин иһитиннэриэҕэ.
Президент пресс-сэкирэтээрэ Дмитрий Песков иһитиннэрбитинэн, быйылгы Анал этиигэ Владимир Владимирович эмиэ ураты этиилэри оҥороору сылдьар. «Президент Анал этиитэ үгэскэ кубулуйбут формалаах эрээри, бэйэ-бэйэлэриттэн тус-туһунан буолаллар. Онон быйылгы этиитэ уруккутааҕар уратылаах. Ити Владимир Путин — үлэтин истиилэ», — диэн бэлиэтиир Дмитрий Сергеевич.
Эрдэ сэрэйэн эттэххэ, дойдубут салайааччыта экономика боппуруостарыгар, тас дойдулары кытары сибээскэ сүрүн болҕомтотун уурара буолуо. Терроризм, санкция эмиэ ырытыллар буолуохтаах. Ону сэргэ, үгэс курдук, эһиилги сыллааҕы бүддьүөтү тыырыыга этиилэри оҥоруоҕа.