Доруобуйа Маны аах

Бүгүн Акушерка аан дойдутааҕы күнэ

Бүгүн, ыам ыйын 5 күнүгэр, Акушердар аан дойдутааҕы күннэрэ бэлиэтэнэр. Бу идэлээх күнүнэн СӨ доруобуйаҕа харыстабылын миниистирэ Лена Афанасьева биир идэлээхтэрин эҕэрдэлиир.

«Күндү биһиги акушеркаларбыт!

Өрөспүүбүлүкэбитигэр  Ийэ сыла биллэриллибит сылыгар  идэлээх бырааһынньыкпытынан истиҥ эҕэрдэбин тутуҥ!

Эһиги үтүө  миссияҕыт – Ийэ уонна оҕо доруобуйатын харыстааһын. Эһиги мэдиссиинискэй  көмөҕө оруолгут тугунан да сыаналаммат. Оҕо күүтэр, төрүүр дьахталларга  уонна саҥа төрөөбүт ийэлэргэ көмө оҥорорго кырата суох сыраҕытын уураҕыт. Эһиги – акушер-гинекологтар сүрүн көмөлөһөөччүлэрэҕит уонна хас биирдиигит үлэҕитин дьоһуннаахтык толороҕут. Чуолаан, ийэ буолуу дьолугар эрэли сирэйдээн көрдөрөҕүт.

Мин эһиэхэ үлэҕит иһин, бэйэҕит эбээһинэскитигэр эппиэтинэстээхтик сыһыаннаһаргытыгар махтанабын.

Бэйэҕит эмиэ доруобуйаҕытын, күүскүтүн харыстыыргытыгар баҕарабын, эһиги күн аайы бэйэҕит дьыалаҕытыгар ситиһиилээххит.

Эһиги уопуккут, идэҕитигэр үрдүк таһымҥыт, эппиэтинэскит, үтүө санааҕыт уонна аламаҕай майгыгыт иһин махтал!

Күн аайы кырачааннарга уонна кинилэр ийэлэригэр биэрэр сылаас сыһыаҥҥыт уонна кыһамньыгыт эһиги олоххутун тулалаатын».

 

 

 

 

 

0
0
Telegram @edersaas20