Сэтинньи 9 күнүнээҕи туругунан, өрөспүүбүлүкэҕэ 203 киһи коронавируһунан ыарыйда. Ол туһунан өрөспүүбүлүкэтээҕи суһал ыстаап салайааччытын солбуйааччы Ольга Балабкина брифиҥҥэ иһитиннэрдэ.
Ол иһигэр, Дьокуускайга – 118, ону тэҥэ, бары улуустарга 1-8-тыы киһи ыалдьыбыта бигэргэннэ. Бүгүҥҥү күҥҥэ диэри биир да киһи коронавируһунан ыалдьа илик нэһилиэнньэлээх пууннарга, ыалдьыы түгэннэрэ таҕыстылар, онно сыстыганнаах ыарыы тарҕамматын туһугар миэрэлэр ылыллаллар. Дьокуускайга уонна Эдьигээҥҥэ 3 киһи тыына быһынна.
Суукка иһигэр барыта 5234 анаалыс оҥоһуллубут. Пандемия саҕаланыаҕыттан барыта 680 тыһыынча анаалыһы оҥорбуттар.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн
+1
+1
+1
+1
+1
+1
+1