Бүгүн 197 киһи ыалдьыбыта билиннэ

Бөлөххө киир:

Алтынньы 4 күнүнээҕи туругунан, өрөспүүбүлүкэҕэ 197 киһи коронавируһунан ыарыйда.

edersaas.ru

Ол иһигэр, Дьокуускайга – 112, Нерюнгригэ – 9, Бүлүүгэ, Мэҥэ Хаҥаласка, Чурапчыга – 7-лии, Намҥа, Өлүөхүмэҕэ – 6-лыы, Аммаҕа, Өлөөҥҥө, Тааттаҕа – 5-тии киһи ыарыйда. Ону тэҥэ, өссө 12 улууска биирдии-иккилии киһи ыалдьыбыта бигэргэннэ. 3 киһи тыына быһынна.

Суукка иһигэр барыта 3600 анаалыс оҥоһуллубут. Пандемия саҕаланыаҕыттан барыта 650 344 анаалыһы оҥорбуттар. Бу туһунан доруобуйа харыстабылын миниистирэ Елена Борисова иһитиннэрдэ.

Кини бэнидиэнньиктэн бары поликлиникаларга мааскалаах, бэрчээккилээх эрэ дьону киллэрэр буолбуттарын туһунан эттэ. Ону тэҥэ, каникул кэмигэр оҕолору элбэх дьон мустар сирдэригэр сырытыннарбаттарыгар ыҥырда.

Балыыһалар бары урукку эрэсииминэн үлэлии тураллар.

Ангелина Васильева, “Саха сирэ” хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0