Владивостокка буола турар «Азия оҕолоро» норуоттар икки ардыларынааҕы спортивнай оонньууларга чэпчэки атлетикаҕа Аксинья Панова Саха сирин хамаандатыгар бастакы кыһыл көмүс мэтээли аҕалла. Кини 100 миэтэрэҕэ мэһэйдээх сүүрүүгэ 14,86 сөкүүндэнэн биэтэккэ бастакынан кэлэн, тус рекордун тупсарда.
«Өй-санаа өттүнэн ыарахан этэ. Ол эрээри мин бастыырбын билэр этим. Өр уонна дьаныардаахтык дьарыктаммытым. Манна мин бэйэбин кыайыыга ностуруойдуохпун наада этэ, тириэньэрим аттыбар сылдьан өйөөтө. Саха сиригэр бастакы кыһыл көмүһү аҕалбытым улахан киэн туттуум буолар», — диэн чөмпүйүөнкэ санаатын СИА-ҕа үллэһиннэ.
Аксинья 15 саастаах, 9-с кылаас үөрэнээччитэ буолар.
Бүгүн сүүрүүттэн ураты өссө ыстаҥаҕа күрэхтэһиилэр буолуохтара. Бэҕэһээ кылыыга Саха сирин спортсменнара иккис, үһүс миэстэлэри ылбыттара.
СИА.