Маны аах Успуорт

«Азия оҕолоро» спортивнай оонньуулар — 2022 сылга

Бэҕэһээ, сэтинньи 9 күнүгэр, Владивостокка 2022 сылга «Азия оҕолоро» норуоттар икки ардыларынааҕы спортивнай оонньууларга бэлэмнэнии уонна тэрийии туһунан дуогабарга илии баттаатылар. Бу туһунан Приморье кыраайын физкултуураҕа уонна успуорка министиэристибэтин пресс-сулууспата иһитиннэрдэ.
Докумуоҥҥа «Азия оҕолоро-2022» норуоттар икки ардыларынааҕы VII спортивнай оонньуулары ыытыыга Дириэксийэ генеральнай дириэктэрэ Эльмир Валитов уонна «Азия оҕолоро» норуоттар икки ардыларынааҕы спортивнай оонньуу кэмитиэтин генеральнай дириэктэрэ Гаврил Цыпандин илии баттаатылар.
Тэрээһин Владивостокка 2022 сылга от ыйын 27 — атырдьах ыйын 8 күннэригэр ыытыллар, 45 араас дойдуттан үс тыһыынчаттан тахса кыттааччыны түмэр былааннаахтар.
Эльмир Валитов бэлиэтииринэн, далааһыннаах тэрээһиҥҥэ бэлэмнэнэн үлэ көхтөөхтүк ыытыллар.
«Биллэн турар, 25 сыл устатыгар мунньуллубу, Саха сириттэн «Азия оҕолоро» оонньуулары төрүттээччилэр, биһиги кэллиэгэлэрбит баай уопуттарын туһаныахпыт. Бииргэ үлэлээһиҥҥэ дуогабар түһэрсиллиитэ спортивнай оонньууларга бэлэмнэниигэ уонна үрдүк таһымнаахтык тэрийиигэ туруоруллубут сыалы-соругу көдьүүстээхтик быһаарыыга кыаҕы биэриэ», — диэтэ Эльмир Валитов.
Санатан эттэххэ, норуоттар икки ардыларынааҕы Олимпийскай кэмитиэт уонна ЮНЕСКО паторнатынан ыытыллар VII «Азия оҕолоро» норуоттар икки ардыларынааҕы спортивнай оонньуулар РФ Бэрэсидьиэнэ Владимир Путин сорудаҕынан Владивостокка ыытыллаллар.
0
0
Telegram @edersaas20