«Азия оҕолоро» 2024 сылга Дьокуускайга буолуохтара

Бөлөххө киир:

Тохсунньу 27 күнүгэр “Азия оҕолоро” аан дойдутааҕы кэмитиэтэ бигэргэппитинэн, кэлэр 8-с оонньуулар Дьокуускайга буолар буоллулар. Ол туһунан сөбүлэһиигэ Айсен Николаев кэмитиэт бэрэсидьиэнэ Владимир Максимовтыын илии баттаспыттарын туһунан бэйэтин “Инстаграмыгар” суруйда.

Бастакы бэрэсидьиэн Михаил Николаев өҥөтүнэн, бу спортивнай бырааһынньык биһиэхэ “төрөөбүтүнэн” киэн туттабыт. 1996 сыллаахха өрөспүүбүлүкэ бүттүүнэ үөрэн-көтөн туран, бастакы оонньууну арыйбыппытын бу баардыы өйдүүбүн. Онтон ыла “Азия оҕолоро” биһиги дойдубутугар эрэ буолбакка, тас өттүгэр киэҥник билиннэ, аан дойдутааҕы спорт аренатыгар аптарытыаттанна. 2024 сылга оонньуулар уоттара Дьокуускайга умайыаҕа.

Бу ааспыт оонньууларга кыттыбыт оҕолор улаатан, олимпиадаҕа кыттарга тиийэ чулуу спортсменнар буола үүннүлэр. Саха сирэ кинилэргэ кынат үүннэрэн, үрдүк чыпчаалларга сирдээбитинэн киэн туттабыт. “Азия оҕолоро” оҕо спорда уонна чөл олох сайдарыгар улахан олук ууруоҕа диэн эрэнэбин, — диэн кини суруйда.

Ангелина Васильева, “Саха сирэ” хаһыат, edersaas.ru

Хаартыска: СИА.

+1
0
+1
0
+1
0
+1
0
+1
0
+1
0
+1
0