Маны аах Үөрэх уонна наука

Аҕыйах ахсааннаах хотугу норуоттар устудьуоннарыгар анал стипендия олохтонно

РФ наукатын уонна үрдүк үөрэҕин министиэристэбэтэ иһитиннэрбитинэн, хоту дойду, Сибиир, Уһук Илин эрэгийиэннэрин устудьуоннарыгар уон тыһыынчалаах анал стипендия олохтонно.

Министиэристибэ бирикээһигэр этиллэринэн, бу стипендияны анал куонкуруһу ааспыт иккис эбэтэр онтон үөһээ куурустарга үөрэнэ сылдьар устудьуоннар ылыахтара. Бирикээс муус устар 19 күнүгэр күүһүгэр киирдэ.

Куонкурус сүрүн усулуобуйатынан аҕыйах ахсааннаах хотугу норуоттар тылларын, култуураларын үөрэтии, тарҕатыы, сайыннарыы буолар. Устудьуоннар норуот үгэһин, култууратын сайыннарыыга научнай-чинчийэр үлэни суруйа сылдьар буоллахтарына эмиэ кыттыахтарын сөп. Ону таһынан тэрийээччилэр бэлиэтииллэринэн, аҕыйах ахсааннаах хотугу норуоттар үгэстэрин, култуураларын, тылларын сайыннарыыга ыытар тэрээһиннэр эмиэ учуоттаныллаллар.

Аграфена КУЗЬМИНА

0
0
Telegram @edersaas20