Бу аҕыйах хонуктааҕыта биир киһи автовокзал таһыгар, Горнайдыыр таксыыны кэтэһэн, илиитигэр суотабай төлөпүөнүн тутан турбут. Арай ол турдаҕына, соһуччу биир эр киһи кэлэн, кини төлөпүөнүн илиититтэн хаба тардаат куоппут.
Эмсэҕэлээччи тута ИДьМ Дьокуускайдааҕы 2№-дээх полиция салаатыгар үҥсүү түһэрбит. Уоруллубут мал хоромньута 16 тыһыынча солкуобайга тэҥнэспит.
Холуобунай ирдэбил үлэһиттэрэ суһаллык көрдөөн, 37 саастаах эрдэ сууттана сылдьыбыт уорбаланааччыны туппуттар. Уорбаланааччы уорбут малын атыылыыр былааннаах сойбоппут эбит.
ИДьМ пресс-сулууспата иһитиннэрбитинэн, Арассыыйа Федерациятын холуобунай кодексатын 161 ыст.1 чааһынан «Уоруу» диэн холуобунай дьыала тэриллибит.
+1
+1
+1
+1
+1
+1
+1