Айылҕа харыстабыла Маны аах

Авиация от ыйын 20 күнүгэр арҕаа улуустарга үлэлээтэ

Суһал ыстаап биллэрэринэн, от ыйын 20 күнүгэр ЫБММ авиацията ойуур баһаардарын умуруорууга  арҕаа бөлөх улуустарга үлэлээтэ.

Арассыыйа Ыксаллаах быһыыга-майгыга министиэристибэтин Бе-200 көтөр ааллара ойуур баһаардарын умуруорууга Сунтаар улууһугар үлэлээтилэр. Барыта 708 туонна ууну  бырахтылар.

Оборона министиэристибэтин Ил-76 көтөр ааллара Сунтаар уонна Ленскэй улуус баһаардарын умуруорууга үлэлээтилэр. Кинилэр холбоон 252 туонна ууну баһан, уот үрдүгэр сүөкээтилэр. Авиация көмөтүнэн ууну таһыы ойуур баһаардарын тарҕаныытын намтатан, уот күүһүн уҕаратыыга көмө буоллулар.

Суһал ыстаап биэрэр чахчыларынан, от ыйын 20 күнүгэр 82 тыһ. га иэннээх 14 ойуур баһаара умуруорулунна.

«Саха сирэ» хаһыат, edersaas.ru

Хаартыска sakha.gov.ru

0
0