Айылҕа харыстабыла Сүрүн

Авиация көмөтө күүһүрүөҕэ

РФ Бэрэсидьиэнэ Владимир Путин сорудаҕынан Саха сиригэр ойуур баһаардарын умуруорууга РФ Оборонаҕа министиэристибэтин авиациятын көмөтө күүһүрүөҕэ.

Өрөспүүбүлүкэ аэропортарын кыахтарын учуоттаан, уу кутар анал прибордардаах Ил-76 сөмөлүөт Саха сирин арҕаа улуустарыгар үлэлиир. Бу туһунан бэйэтин Инстаграмыгар Ил Дархан Айсен Николаев иһитиннэрдэ.
Манна эбии РФ Оборона министиэристибэтин 4 көтөр аалын эбии көмөҕө ыытыахтара. Ми-8 бөртөлүөт Ленскэйгэ, Өлүөхүмэҕэ, Ньурбаҕа, Хаҥаласка уонна Намҥа ойуур баһаарын умулларыыга үлэлээбитэ нэдиэлэттэн орто. Маны таһынан, «Авиалесоохрана» сайаапкатынан искусственнай ардаҕы ыҥырар Ан-26 «Циклон» сөмөлүөт үлэлиир. Бу көтөр аал үгүс оройуоҥҥа ардаҕы аҕалла.  ЫБММ үлэтин чэрчитинэн амфибия Бе-200 сөмөлүөт уонна үөһэттэн уу кутар Ми-8 бөртөлүөт үлэлииллэр.
«Ил Дархан Айсен Николаев өрөспүүбүлүкэ олохтоохторун аатыттан РФ Бэрэсидьиэнэ Владимир Путиҥҥа, РФ Оборонатын миниистирэ Сергей Шойгуга уонна Арассыыйатааҕы ЫБММ салайааччыта Евгений Зиничевка Саха сиригэр ойуур баһаарын бохсууга сүҥкэн өйдөбүллэрин иһин барҕа махталын тиэртэ», — диэн Ил Дархан уонна СӨ Бырабыыталыстыбатын пресс-сулууспата иһитиннэрэр.

Елена ПОТОЦКАЯ, «Саха сирэ» хаһыат, edersaas.ru

0
1