Айылҕа харыстабыла Маны аах

«Авиалесоохрана» ойуур баһаарын умуруорууга араас ньыманы туһанар

«Авиалесоохрана» тэрилтэтэ Саха сирин соҕуруу уонна Хабаровскай кыраай хоту өттүлэригэр ойуур баһаардарын умуруорууга араас ньыманы туһанар.

Билиҥҥи туругунан Саха сиригэр уонна Хабаровскай кыраайга ойуур баһаарын умуруорууга «Авиалесоохрана» тэрилтэтин 500 парашютист-десантниктара көмөлөһөллөр. Кинилэри  тиэрдиигэ уонна балаһыанньаны түргэнник билэ-көрө охсорго 28 салгын суудуната күн аайы, ортотунан, 90 чаас кэриҥэ көтөр.

Бу күннэргэ Саха сиригэр дэлби тэптэрии ньыматын туһаныы ыытыллар.  Ол курдук, бэҕэһээ Уус Маайа улууһугар Хабаровкай кыраай кыраныыссатын эргин дэлби тэптэрии ньыматын туһаннылар. Ону тэҥэ, «Авиалесоохрана» «Циклон» диэн зондировщик-сөмөлүөтэ Саха сиригэр уонна Хабаровскай кыраайга турбут ойуур баһаардарын умуруорар инниттэн искусственнай ардаҕы ыҥырар аналлаах көтүүлэри оҥордо.

Видео-устууга  «Авиалесоохрана» исписэлиистэрэ дэлби тэптэриини ыыталлара көрдөрүллэр. 

 

 

 

 

 

0
0
Telegram Whatsapp