Саха сиригэр «Авиалесоохрана» ФБТ начаалынньыга Николай Кривошеев кэллэ.
«Мобилизацияламмыт нэһилиэнньэ, ойуур хаһаайыстыбатын үлэһиттэрэ уонна өрөспүүбүлүкэ баһаарынай сулууспалара күннэри, түүннэри уоту умулларыыга үлэлииллэр. Ойуур баһаардарын туһунан хас түөртүү чаас ахсын Ил Дархаҥҥа иһитиннэрэбит. Оттон ойууру баһаартан харыстааһыҥҥа үлэлэһэр өрөспүүбүлүкэтээҕи суһал ыстаап күҥҥэ иккитэ мунньахтыыр: сарсыарда 8.00 чааска уонна киэһээ 17.00 чааска. Уоту умуруорууга быһаарыылар тута ылыллаллар«, — диир Дмитрий Садовников.
Өрөспүүбүлүкэ бастакы вице-премьерэ дьоҥҥо-сэргэҕэ туһаайан, өрөспүүбүлүкэ бары улуустарыгар ойуурга ыксаллаах быһыы-майгы биллэриллибит кэмигэр, айылҕаҕа тахсыы бобулларын санатта. Кини рейдэлэр тэриллэн бэрэбиэркэлэри оҥоруохтарын, бобууну кэспит гражданнар ыстарааптаналларын уонна административнай эппиэтинэскэ тардыллалларын туһунан иһитиннэрдэ.
Өрөспүүбүлүкэҕэ «Авиалесоохрана» ФБУ начаалынньыга Николай Кривошеев кэлэн үлэлиир.
«Быһыы-майгы, дьиҥэр, судургута суох, ол гынан баран, быһаарыыны ылан, быһыыны-майгыны бигэтитиэххэ сөп. Бэс ыйын 23 күнүгэр ойуурга эрэгийиэн көрүҥнээх ыксаллаах быһыы-майгы биллэриллибитэ. Элбэх этиҥтэн саҥа баһаардар эбиллэннэр, быһыыны-майгыны уустугурдубуттара. Түмүллүбүт былааны анаалыстааһынынан, эбии күүстэр бааллар. Олору суһаллык кытыннарыахха наада«, — диэн этэр Кривошеев.
Кини бэлиэтээбитинэн, өрөспүүбүлүкэҕэ ойуур баһаарын умулларыыга билигин 400 исписэлиис, ол иһигэр «Лесоохрана» ФБТ 200 үлэһитэ үлэлиир.
«Бүгүҥҥү күҥҥэ, кинилэр үлэлээбит сирдэригэр, ойуур баһаардара бохсуллубуттара ырааппыт, кинилэри атын саҥа баһаардар тахсыбыт сирдэригэр аҕалыахха наада. Бу боппуруоһу Дмитрий Дмитриевич Садовниковтыын көрдүбүт, быһаардыбыт. Ойуур баһаардара буолбут сирдэрин харабыллыырга федеральнай үлэһиттэр оннуларыгар олохтоох нэһилиэнньэттэн мобилизацияламмыт дьону туруортуохпут. Маны сэргэ, өссө оройуоннар куратордарын боппуруоһун көрдүбүт. Куратордар — бырабыыталыстыба чилиэннэрэ, кинилэр улуус баһылыктарыгар, ойуур хаһаайыстыбатын үлэһиттэригэр дьайымтыалаах көмөнү оҥоруохтарын сөп. Оттон этиҥ боппуруоһа, туһунан. Этиҥи мэлдьэспэппин, ол эрээри, ыксаллаах быһыы-майгы биллэриллибит кэмигэр, саҥа баһаардары таһаарбат туһуттан ойуурга сылдьыыны эрэ хааччахтааһынынан муҥурдаммакка, күөллэргэ тиийиини кытары хааччахтааһыны киллэриэххэ. Өрөспүүбүлүкэҕэ сорох кэккэ баһаардар нэһилиэнньэлээх пууннартан ырааҕа суохтара бэлиэтэммитэ. Итиннэ этиҥтэн баһаардар буолуо дуо диэн саарбахтааһыннар бааллар. Салгыы үлэлииргэ мин бу хайысханы учуоттуохха наада диэн толкуйдуубун«, — диэтэ Кривошеев.