Бэс ыйын 14-20 күннэригэр Саха сиригэр 757 рейдэ ыытылынна. Бу туһунан СӨ Бырабыыталыстыбатын вице- премьерэ Михаил Никифоров иһитиннэрдэ.
Хонтуруоллуур тэрээһиннэр 14 оройуоҥҥа уонна куорат уокуруктарыгар: Алдан, Верхоянскай, Кэбээйи, Мэҥэ Хаҥалас, Мииринэй, Нам, Ньурба, Өймөкөөн, Сунтаар, Таатта, Томпо, Уус Маайа оройуоннарыгар, Жатайга уонна Дьокуускай куоракка ыытылыннылар.
Рейдэ түмүгүнэн административнай быраабы кэһии туһунан 17 боротокуол толорулунна, 176 сэрэтэр кэпсэтиилэр ыытылыннылар.
Административнай хамыыһыйаны кытары Дьокуускай куорат суһал ыстааба кыттыылаах СӨ Роспотребнадзорун салалтынан Предпринимательство, атыы- эргиэн уонна туризм министиэристибэтэ 416 бэрэбиэркэни 343 атыы эргиэн, 52 аһыыр сир, 12 өҥөнү оҥорор эбийиэктэригэр, 8 аралдьытар кииннэргэ, биир фитнес-кииҥҥэ уо. д. а. ыыттылар.
Кэрийэн бэрэбиэркэлээһин түмүгүнэн, эбии тэрээһиннэри ыытарга 3 сэрэтии бэрилиннэ, административнай быраабы кэһиигэ 12 боротокуол толорулунна, 183 сэрэтэр кэпсэтии үлэтэ ыытылынна.
Надежда Ильина