Атыы-эргиэн тэрилтэлэрэ Саҥа дьыл иннинэ хайдах үлэлиэхтэрэй?

09.12.2020
Бөлөххө киир:

СӨ Ил Дархана Айсен Николаев тустаах ыйаахха уларытыылары киллэрдэ.

Ыйаах 2020 сыл ахсынньы 10-31 күннэригэр кууһунан уонна биирдиилээн атыылыыр, уопсастыбаннай аһыыр, өҥөнү оҥорор тэрилтэлэр үлэлэригэр уларытыылары киллэрии туһунан.

Саха сиригэр коронавирус дьаҥа тарҕамматын туһуттан үрдүк бэлэмнээх буолуу эрэсииминэн кууһунан, биирдиилээн атыылыыр, уопсастыбаннай аһыыр уонна өҥөнү оҥорор тэрилтэлэр күн устата санитарнай сууйууну-сотууну оҥоруохтаахтар. Хас күн аайы аайы үлэ чааһын кэнниттэн дезинфекциялыыр сирисэтибэлэри туттан генеральнай сууйуу-сотуу үлэтэ ыытыллыахтаах.

Ил Дархан Ыйааҕар киирбит уларытыыларынан, туох баар санитарнай-эпидемиологическай ирдэбиллэри тутуһан, көмпүүтэр кулууптара уонна саалалара үлэлэрин саҕалыахтарын сөп. Тэрилтэ хаһаайыннара социальнай дистанцияны уонна санитарнай миэрэлэри тутуһууну хааччыйыахтаахтар. Итиэннэ 18 сааһын туола илик ыччаты кулуупка киллэриэ суохтаахтар.

Ил Дархан ыйааҕынан, сарсыарда 6 чаастан 10 чааска диэри доруобуйаны чэбдигирдэр гимнастиканан, скандинавскайдыы хаамыынан уонна сүүрүүнэн дьарыктанар гражданнарга анаан спортивнай саалалар, манежтар үлэлэрэ көҥүллэннэ.

Бу Ыйаах ахсынньы 10 күнүттэн олоххо киирэр. Сиһилии: https://www.sakha.gov.ru/news/front/view/id/3249258

edersaas.ru

Хаартыска — vse42.ru

+1
0
+1
0
+1
0
+1
0
+1
0
+1
0
+1
0