Судаарыстыбаннай Дуумаҕа премьер «премьерата» буолбут. Ол курдук, Арассыыйа Бырабыыталыстыбатын Бэрэссэдээтэлэ Михаил Мишустин отчуоттаабыт. Онно сүрүн болҕомто коронавируһу бохсууга, үрдүк технологияларга, ыытыллар бэрэбиэркэлэргэ, тулаайах оҕолору дьиэнэн хааччыйыыга уо.д.а. туһаайыллыбыт. Дьокутааттар үгүс ыйытыылары биэрбиттэр.
edersaas.ru
Олор истэригэр киһи барыта интэриэһиргиир боппуруоһун — балаҕан ыйын 1 күнүгэр бэлэмнэнии туһунан. Премьер-миниистир эппитин курдук, балаҕан ыйын 1 күнүгэр оҕолору оскуолаҕа киһилии тэрийэн ыытыы соруга турар. «Үөрэнэ барыыны хас биирдии эрэгийиэн бэйэтэ атырдьах ыйын 20 күнүгэр быһаарыаҕа, — диэбит Михаил Мишустин.
Онон араас сурахтарга-садьыктарга итэҕэйбэккэ, атырдьах ыйын 20 күнүн кэтэһэбит. Онуоха диэри эпидемиологическай турук хайдах буолара биллиэ дииллэр.
Бэлэмнээтэ Женни СТРЮКОВА.
Хаартыска: интэриниэттэн
+1
+1
+1
+1
+1
+1
+1