Бэрээдэк Маны аах

Атын киһи кыбартыыратын куортамҥа биэрбит…

Сорох дьон халлаантан харчы оҥорбут киһи диэн, үгүс өттүгэр буруйу оҥорорго тиийэллэр. Бу күннэргэ   полицияҕа түөкүттэргэ түбэспит Дьокуускай куорат олохтооҕуттан  сайабылыанньа киирбит. 

Ол курдук,  дьахтар кыбартыыра куортамнаары  28 тыһыынча солкуобайыттан маппыт. Ис дьыала министиэристибэтин пресс-сулууспата суруйарынан, полиция үлэһиттэрэ суһал-ирдиир үлэлэрин түмүгэр,  уорбаланааччыны булбуттар.   27 саастаах Дьокуускай куорат олохтооҕо суукканан кыбартыыра куортамҥа ылан баран, харчы «өлөрөр» сыалтан, саайт нөҥүө ол кыбартыыраны куортамҥа биэрэрин туһунан биллэрии таһаарбыт.  Бу биллэриини биир дьахтар көрөн, атын киһи кыбартыыратын куортамныылларын билбэккэ, түөкүн  албыныгар киирэн биэрбит.

Онон, мээнэ дьонтон куортамҥа дьиэ ыларгытыгар сэрэхтээх буолуҥ. Хаһаайын докумуонун көрүҥ.

edersaas.ru

0
0
Telegram @edersaas20