Атын дойдуларга Саҥа дьыл түүнэ

Бөлөххө киир:

Саҥа дьылы араас дойдуларга араастык көрсөллөр. Католическай итэҕэллээх дойдуларга Ороһуоспаны ахсынньы 25 күнүгэр көрсөллөр. Саҥа дылы улаханнык бырааһынньыктаабаттар. Оттон Азия дойдуларыгар илиҥҥи халандаарынан, тохсунньу 28 күнүгэр Саҥа дьыл үүнэр. Саҥа сыл түүнэ халлааҥҥа ый хаамыытынан, сыл аайы уларыйа сылдьар.

Араас үгэстэр бааллар. Итальянецтар эргэ малларын түннүгүнэн быраҕаллар. Панама олохтоохторо төһө кыайалларынан ыһыытаан-хаһыытаан, тыаһаан-ууһаан көрсөллөр. Болгарияҕа чаһы 12-ни охсор тыаһыгар бары уураһаллар. Японияҕа куолакал 108-та охсор. Бу кэмҥэ күлүөхтээххин-үөрүөхтээххин. Эквадорга уулаах ыстакааны түннүгүнэн быраҕан алдьаталлар, ону кытта ааспыт сылга буолбут бары куһаҕан алдьанар, ыһыллар үһү.

Швецияҕа дьиэ кыылларыгар барыларыгар бэлэх биэрэллэр: өсүөлгэ – моркуобу, ыкка – уҥуоҕу, куоскаҕа – сүөгэйи, о.д.а. Англия дьиэлэригэр хайаан индейка бүлүүдэтэ баар буолар. 12 чааска ааннарын аһан, Эргэ дьылы атаараллар, Саҥа дьылы киллэрэллэр.

Вьетнамҥа тохсунньу бүтэһигэр саас саҕаланар, онон Саҥа дьыллара сааһы көрсүү бырааһынньыгын кытары бииргэ түбэһэр. Бэйэ-бэйэлэригэр персик сибэккилээх лабаатын бэлэхтэһэллэр.

Непалга Саҥа дьылы күн тахсыыта көрсөллөр. Кытайга уунан ысыһаллар, сууналлар-тарааналлар.

Оттон Арассыыйаҕа дьиэ кэргэнинэн көрсөр үгэс баар. Толору астаах остуол тула олорон, баҕа санааны сампааҥҥа кутан иһэн кэбиһии, бэйэ-бэйэҕэ бэлэх бэрсии, сыл түмүктэрин таһаарыы, былааннааһын – бу барыта кэлэр сылы үчүгэйдик көрсүүнү кэрэһэлиир.

Бар дьоммутун кэлэн иһэр Саҥа дьылынан эҕэрдэлиибит! Үүнэр 2017 сыл уостубат уйгуну, быстыбат быйаҥы, ситиһиилэри, этэҥҥэ буолууну эрэ аҕаллын!

Ангелина Васильева, «Саха сирэ» хаһыат, www.edersaas.ru

+1
0
+1
0
+1
0
+1
0
+1
0
+1
0
+1
0