Атомнай ыстаансыйаны тутууну уонна “Күчүс” баайдаах сири баһылааһыны дьүүллэстилэр
Атомнай ыстаансыйаны тутууну уонна “Күчүс” баайдаах сири баһылааһыны дьүүллэстилэр
Саха сирин Бырабыыталыстыбатын Бэрэссэдээтэлин бастакы солбуйааччы Кирилл Бычков Усуйаана уонна Дьааҥы оройуоннарыгар “Күчүс” кыһыл көмүс баайдаах сирин баһылааһын бырайыагын олоххо киллэрии боппуруостарыгар уонна дьоҕус кыамталаах атомнай ыстаансыйаны тутууга анаммыт штаб мунньаҕын ыытта.
Тутуу ыытыллыахтаах сирин былаанын схематын чопчулааһын боппуруоһун, Уус Куйгаҕа быраҕыллыбыт уонна саахалланар туруктаах дьиэлэри аактааһыны, уунан хааччыйыы боппуруоһун көрдүлэр.
Экэниэмикэ министиэристибэтэ атомнай ыстаансыйаттан уоту туһаныыны учуоттаан Арктика сирин-уотун кэлимсэ сайыннарыы былаанын, ону тэҥэ баар тутуулары саҥардыыны уонна Уус Куйга олохтоохторун ахсаанын эбиллиитин учуоттаан, бөһүөлэк инфраструктуратын саҥа эбийиэктэрин тутууну торумнаабыта.
Сүрүн туһанааччылартан биирдэстэринэн Күчүстээҕи кыһыл көмүс баайдаах сир буолуоҕа. Маны баһылааһыны “Селигдар” ПАУо ыытар.
2019 сыллаахха Саха Өрөспүүбүлүкэтин уонна “Росатом” корпорация икки ардыларыгар сөбүлэһии түһэрсиллибитэ, итиннэ олоҕуран Усуйаана оройуонун Уус Куйга бөһүөлэгин оройуонугар дьоҕус кыамталаах атомнай ыстаансыйаны тутуу көрүллэр. Бу үлэҕэ 2028 сылга киириэхтээх.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Бэлэмнээтэ Женни Стрюкова
Хаартыска: тустаах саайтан