Горнай улууһун Атамай нэһилиэгэр кыһыны атаары улуус 90 сыллаах үбүлүөйдээх сылыгар, ХХI Манчаары оонньууларыгар уонна өрөспүүбүлүкэҕэ биллэриллибит Чэбдигирии сылыгар анаммыт.
«Кырыа кыһын быраһаай, сандал саас дорообо» диэн кыһыны атаарыы тэрээһинигэр «Сандал саас» хоһоон ааҕыытын күрэһэ (сал. Алексеева Т.В., бибилэтиэкэ), «Өбүгэ оонньуулара» хамаанданан күрэс (сал. Аввакумов А.А., сынньалаҥ киинэ уонна «Атамай хоhууннара» эр дьон түмсүүтэ), хаатыҥка быраҕыыта (сал. Дмитриева А.В., сынньалаҥ киинэ), Сааскы таммахтар» ырыа куонкуруһа (сал. Павлова Т.А., оскуола), сүүйүүлээх оонньуу, о.д.а. араас ыытыллыбыт.
Нэһилиэнньэ улаханнык сэргэхсийэн тэрээһини иилээн-саҕалаан ыыппыт Атамайдааҕы сынньалаҥ киинин кэлэктиибигэр, күрэхтэһиилэри көҕүлээбит, салайбыт уонна кыттыыны ылбыт дьоҥҥо махталын тиэрдибит.