Горнайга ВД.Лонгинов аатынан Атамай орто оскуолатын былаһааккатыгар, хаары баттаһа, көхтөөх күрэхтэһии буолан ааста.
Ол курдук, «Манчаары оонньууларыгар» уонна СӨ Чэбдигирии сылыгар анаммыт спартакиада буолла. Тэрилтэлэр спортсменнара хайыһарга күрэхтэһэн илин-кэлин түһүстүлэр. Хас биирдии хамаандаҕа иккилии эр киһи, иккилии кэрэ аҥаардар киирэн хайыһардаатылар.
Илин-кэлин түсүһүүлээх сырсыы кэнниттэн, түмүккэ 1 бочуоттаах миэстэҕэ оскуола хамаандата тахсан үөрүү-көтүү буолла. Иккис миэстэни тилэх үктэһэн олохтоох дьаһалта холбоһуктаах хамаандата ылла. Үһүс миэстэҕэ ОДьКХ холбоһуктаах хамаандата тигистэ. Төрдүс миэстэ — оҕо уһуйаанын холбоһуктаах хамаандатын, бэһис — бааһынай хаһаайыстыба холбоһуктаах хамаандатын спортсменнара буоллулар.
Күрэхтэһиини В.Д.Лонгинов аатынан Атамай орто оскуолатын физкултуураҕа учуутала Василий Степанов уонна мин, нэһилиэк успуорка инструктора иилээн-саҕалаан ыыттыбыт. Күрэхтэһии сэргэхтик ааста, дьон-сэргэ көхтөөхтүк кытынна.
Никифор Ковров, успуорт инструктора,
Атамай, Горнай.