Атамайдар социальнай хантараагынан үлэ араас көрүҥүн баһылыыллар

Ааптар: 
Бөлөххө киир:

Горнай улууһун Атамай нэһилиэгэр социальнай хантараакка олоҕурбут судаарыстыбаттан көмө оҥоһуллуутугар сыл аайы  үп-харчы көрүллэр.

edersaas.ru

Итинник  социальнай хантараагынан көмө  дьиэ сүөһүтүн атыылаһыыга уонна көрүүгэ, тыа хаһаайыстыбатын үлэтигэр тиэхиньикэҕэ, оҕуруот аһын олордууга, көрүүгэ ороскуокка эбэтэр  бэйэ дьыалатын аһарга  көрүллэр. Нэһилиэк дьаһалтата  улуустааҕы социальнай көмүскэллээх буолуу управлениетын кытта дуогабар түһэрсэн, уопсастыбаннас кыттыылаах анал хамыыһыйалары тэрийэн үлэтин ыытар.

Ол курдук, быйыл алта нэһилиэк олохтоохторо  биисинэс-былаан суруйан, ону көмүскээн, ирдэниллэр кумааҕылары хомуйсан, бэйэ дьыалатын арынан үлэни-хамнаһы саҕалаатылар.

Эдэр ыал  ийэтэ Сардаана Софронова социальнай  хантараагынан көмө харчы ылан, бэйэтэ сөбүлүүр дьарыгынан дьиэтигэр олорон үлэлиир. Эдэр дьиэ кэргэн бэйэ дьыалатын тэринэн, тус дохуоттарын кыралаан да буоллар хаҥатыннылар,  санаалара көтөҕүллэн, үлэ үөһүгэр сылдьаллар.

Нэһилиэнньэҕэ  анаан «Printbox-kyel» диэн куоппуйа, сканирование, хаартыска бэчээттээһинэ  уонна да атын өҥөлөрү  оҥорон саҕалаатылар.

Эдэр ыалга дойдулаахтара саҕалаабыт дьыалалара сатанарыгар, тирэх ыларыгар, таһаарыылаахтык үлэлииллэригэр,  салгыы сайдалларыгар  баҕараллар.

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0