Үөһээ Бүлүүгэ ыытыллыбыт өрөспүүбүлүкэтээҕи Сылгыһыт күнүгэр бэҕэһээ «Төҥүргэстээх» ипподромугар 1600, 2400, 3200, 4800 км. уһуҥҥа ат сүүрүүтүгэр сэттэ улуустан 28 быһый ат кыттыыны ылла.
Бу улахан түһүлгэҕэ Ньурба, Сунтаар, Бүлүү, Үөһээ Бүлүү, Мэҥэ Хаҥалас, Өлүөхүмэ улуустарыттан тиийэ анаан-минээн кытта кэлбиттэр. Кыайыы өрөгөйүн 1600 килэмиэтиргэ — Гектор (Мэҥэ Хаҥалас), 2400 км — Дьөһөгөй (Сунтаар), 3200 км — Кылбар (Мэҥэ Хаҥалас) уонна 4800 км — Уолчаан (Мэҥэ Хаҥалас) аҕаллылар!
Кыайыы кынаттаммыт Мэҥэ Хаҥалас хамаандатыгар Үөһээ Бүлүү улууһа туруорбут «Синтай» тыраахтара туттарылынна.
Иккис миэстэлээх Ньурба хамаандатыгар урбаанньыт Руслан Федотов туруорбут бирииһэ, мунньар, туттурылынна. Үһүс миэстэни ылбыт Сунтаар хамаандата Мэҥэ Хаҥалас улууһа туруорбут бирииһинэн, убаһанан, наҕараадаланна.
Екатерина Захарова, «Саха сирэ» edersaas.ru.