2018 сыл – Ыт сыла. Кэлэр сылбыт табылларын туһугар ыт тугу сөбүлүүрүн учуоттуохтаахпыт, кинини алы гыныахтаахпыт. Эһиэхэ астрологтар тэттик сүбэлэрин уунабыт.
Тугу кэтэбит?
Кэрэ аҥаардар Саҥа дьылы көрсө тугу кэтэбит диэн толкуйдуу сылдьар, сорохтор номнуо атыыласпыт, тиктэрбит буолуохтааххыт. Астрологтар, ыт чаҕылхай, киһи хараҕар олус быраҕыллар сырдык, арбайбыт таҥаһы сөбүлээбэт диэн этэллэр. Онон классическай истиили уонна күрэҥ, араҕастыҥы дьүһүннээх таҥаһы кэтиҥ диэн сүбэлииллэр.
Дьиэбитин хайдах киэргэтэбит?
2018 сылга өрүү харчылаах буолар туһугар хайаан даҕаны ыт сувениры атыылаһыахтаах үһүбүт. Ону саамай көстүүлээх, харах өрүү быраҕыллар миэстэтигэр уурар ордук диэн этэллэр. Харыйабытыгар муҥ саатар биир ыт оонньууру иилэрбитигэр сүбэлииллэр. Дьиэбитин киэргэтэрбитигэр эмиэ ордук саһархай, кыһыл көмүстүҥү дьүһүн баһыйыахтаах дэһэллэр.
Тугу астанабыт?
Саҥа дьыллааҕы остуолгар эт, балык аһы хоточчу тэлгээтэххинэ – табаҕын. Түөрт атахтаах доҕорбут минньигэстэн даҕаны аккаастаммат. Дьоҕус иһиккэ остуол муннугар кыра сакалаат оҕотун уурар үһүбүт. Кэрэ аҥаардар дьолбутугар, эттэн тугу баҕарар астыахха сөп. Ырысыап эрэ эгэлгэ элбэх. Эттээх салааты оҥорор ордук эбит. Ыт отунан-маһынан аһылыктамматын санаталлар. Арай, хас биирдии бүлүүдэни остуолга киэргэтэн ууруҥ диэн сүбэлииллэр. Оччоҕо 2018 сыл бэлиэтэ – Ыт доҕорбут кыҥнайа-кыҥнайа эккэлиэ, үүнэр сылгар хайаан даҕаны дьолу түстүө дэһэллэр.