Коронавирус пандемиятын кэмигэр ордук чеснок сыана үрдээтэ аҕай быһыылаах.
edersaas.ru
Ол курдук, Госдуума дьокутаата Олег Шеин Астрахань уобалаһын олохтоохторугар киилэ чесногу 743 солкуобай сыанаҕа атыылыылларын билэн, УФАС-ка эргиэн туочукатын хонтуруоллуулларыгар сурук түһэрбит.
ИА REGNUM иһитиннэрбитинэн, үгүс эрэгийиэннэргэ чеснок, лимон уонна имбирь сыаната өрө көппүт. Онуоха саҥа дьаҥтан бу бородуукталар көмүскүүллэр диэн сурах тарҕаммыта төрүөт буолбут. Доруобуйа харыстабылын аан дойдутааҕы тэрилтэтэ маннык чахчыны бигэргэппэт. Бу тэрилтэ эспиэрдэрэ “норуот” сириэстибэлэрэ уопсай туругу кыратык өрө көтөҕүөхтэрин сөп, коронавирус инфекциятын кыайалларын туһунан дакаастабыл суох диэтилэр.
Бэлэмнээтэ Женни СТРЮКОВА, “Саха сирэ” хаһыат
Хаартыска: интэриниэттэн.
+1
+1
+1
+1
+1
+1
+1