Балаҕан ыйын 24 — 25 күннэригэр Дьокуускай куоракка Комсомольскай болуоссакка үгэскэ кубулуйбут тыа хаһаайыстыбатын быыстапка-дьаарбаҥката ыытыллыаҕа. Икки күн устата өрөспүүбүлүкэ тыа хаһаайыстыбатын оҥорон таһаарааччылара сибиэһэй үүт-эт аһылыгы, балыгы, мүөтү, оҕуруот аһылыгын уонна да атын бородууксуйаны атыылыахтара.
«Балаҕан ыйын бүтэһик өрөбүл күннэригэр Тыа хаһаайыстыбатын министиэристибэтэ өрөспүүбүлүкэтээҕи «Ас-үөл-2022» быыстапка-дьаарбаҥканы тэрийэн ыытыаҕа. Быйылгы тэрээһин Саха АССР төрүттэммитэ 100 сылыгар ананар. Манна өрөспүүбүлүкэ араас муннуктарыттан тыа хаһаайыстыбатын табаарын оҥорон таһаарааччылара кыттыахтара» — диэн тыа хаһаайыстыбатын миниистирин солбуйааччы Артем Александров иһитиннэрдэ.
Тэрээһин иитинэн балаҕан ыйын 24 күнүгэр АГАТУ былаһааккатыгар тыа хаһаайыстыбатын табаарын оҥорон таһаарааччыларын сийиэһэ ыытыллыаҕа. Нөҥүө күнүгэр ипподромҥа Тыа хаһаайыстыбатын министиэристибэтин бирииһигэр ат сүүрдүүтэ буолуоҕа.
edersaas.ru