Тустуук Арыйаан Тютрин норуоттар икки ардыларынааҕы кылаастаах спорт маастара буолла

Уус Алдан улууһуттан төрүттээх Саха сирин тустуутун чаҕылхай бэрэстэбиитэлэ Арыйаан Тютрин норуоттар икки ардыларынааҕы кылаастаах спорт маастара буолла. Бу туһунан бирикээскэ Арассыыйа спордун миниистирэ Павел Колобков муус устар 22 күнүгэр илии баттаата.

Арыйаан норуоттар икки ардыларынааҕы спорт маастарын нормативын Дмитрий Коркин аатынан Гран-при сериялаах турнирга толорбута. Онно кини 57 киилэҕэ диэри ыйааһыҥҥа кыһыл көмүс мэтээли ылары ситиспитэ.

Билигин Арыйаан Дьокуускайга сүүмэрдэнэр дьарыкка сылдьар, Саха сирин хамаандата Арассыыйа чөмпүйэнээтигэр бэлэмнэнэр.

edersaas.ru