СӨ Ил Дархана Айсен Николаев муус устар 2 күнүгэр сарсыардаҥҥы брифинигэр коронавируһунан сибээстээн, дойдуга балаһыанньа уустугун санатта.
edersaas.ru
Онон сибээстээн, бүгүн буолар суһал штаб мунньаҕын кэнниттэн коронавирус тарҕаныытын бопсорго эбии дьаһаллар ылыллыахтара.
Айсен Николаев “самоизоляция” биллэриллибит улуустарыгар ирдэбиллэр тутуһуллалларын, онуоха СӨ Ис дьыала министиэристибэтэ олохтоох бэйэни салайыныы уорганнарын кытары көхтөөхтүк үлэлииллэрин бэлиэтээтэ. Бастатан туран, испиирдээх утаҕы уоран атыылааччылары буларга үлэ күүскэ ыытыллар.
“Тутуллубут дьон бааллар. Кинилэр кытаанах миэрэҕэ уонна эппиэтинэскэ тардыллалларыгар эрэнэбин”, – диэтэ Айсен Николаев уонна харантыын ирдэбиллэрин кэспит дьоҥҥо, сымыйа сураҕы тарҕатааччыларга тустаах миэрэлэр тустарынан РФ сокуонугар илии батаммытын санатта.
Надежда ЕГОРОВА, “Саха сирэ”, edersaas.ru
Хаартыска интэриниэттэн
+1
+1
+1
+1
+1
+1
+1