Чурапчы улууһугар биир ыалга иэдээн бүрүүкээтэ — Арыылаах сэлиэнньэтиттэн төрүттээх 36 саастаах киһи ийэтин өлөрүүгэ уорбаланан тутулунна. Бу туһунан РФ Силиэстийэлиир кэмитиэтин Саха сиринээҕи управлениета иһитиннэрдэ.
Силиэстийэ сабаҕалыырынан, бу дьыл тохсунньу 14 күнүгэр уорбаланааччы 56 саастаах ийэтин кытта бииргэ арыгылаабыттар. Ол кэнниттэн кыраттан да сылтаан кыыһырсан баран, эр киһи дуома ийэтин сутуругунан охсуолаан, атаҕынан тэбиэлээн, бүттэтэ суох кырбаан баран, эбиитин хаста да быһаҕынан анньыбыт.
Ийэтэ эрэйдээх миэстэтигэр тыына быстыбыт.
Бу урут ыар буруйу оҥорон сууттана сылдьыбыт киһи ийэтин өлөрбүтүн билиммит.
Уорбаланааччыны силиэстийэ кэмигэр силиэстийэлиир изоляторга хаайдылар.
Биһиги корр., «Саха сирэ» хаһыат, edersaas.ru
Хаартыска: интэриниэттэн.